DÍA DO LIBRO

Onte celebramos na biblio o Día do Libro enchendo as paredes con frases relativas á lectura e agasallando ós alumnos con marcapáxinas nas que aparecía un texto de Agustín Fernández Paz. Ademáis rematou o prazo para a presentación de traballos no certame de microrrelatos e dende a biblio estamos impresionados pola cantidade e creatividade de todos eles. En breve o xurado reunirase para escoller ó gañador e faremos unha exposición para que todos os poidades ler. Aquí vos deixamos unhas fotos desta actividade. 

Día do libro - Kizoa Movie Maker

CERTAME DE MICRORRELATOS

O LAZARILLO

O mes de marzo na biblioteca estivo adicado ó Lazarillo. Entre outras actividades tivemos paneis expositivos, representacións nas clases dalgún fragmento da obra a cargo de dos magníficos actores Pedro Taboada (3ºB), Alejandro de Lorenzo (1ºA) e Belén Álvarez (2ºA) e un concurso de crucigramas no que resultou gañadora Cristina Canabal Arias (3ºA).

Día da Muller - Actuación das alumnas do IES Ribeira do Louro

Hoxe tivemos a inmensa fortuna de contar coa presenza, nalgunhas das nosas aulas, de grandes mulleres da Historia. Viñeron dende Porriño (IES Ribeira do Louro), da man de Virxinia, profe de Filosofía no IES Ribeira do Louro, e Delio, Xefe do Dpto. de Dinamización Lingüística. Foi unha experiencia moi enriquecedora, xa que o talento interpretativo das alumnas-actrices do Ribeira do Louro ó poñer en escena os textos elaborados polos seus profesores, nos permitiu acercarnos a mulleres de grande relevancia na Historia mais en moitos casos descoñecidas para nós... Moitos logros de mulleres sobranceiras teñen permanecido ocultos ó longo dos séculos. GRAZAS, GRAZAS, GRAZAS, polo voso traballo, polo voso talento e pola vosa xenerosidade ó vir dende Porriño ata Verín para compartir connosco esta marabillosa actividade. Profesores e alumnos quedamos encantados. As mulleres que nos acompañaron neste 12 de Marzo de 2012 foron: Téano: Widad Rizki Agnodice: Raja Rizki María a profetisa: Tamara Iglesia Romero Trótula de Salermo: Karina Holguin Cerón Hildegarda de Binge: Andrea Glez Barbosa María Soliña: Noelia Fdez Vila Artemisa: Aroa Torres Pérez Olimpia de Gouges: María Prado Díaz George Eliot: Dayana Álvarez Dominguez Concepción Arenal: Noelia Lago Ramírez Alice Guy Blanche: Alba Fdez Loureiro Federica Montseny: Clara Avendaño Campos Rosalind Franklin: Alejandra Ledo Diz María Xosefa Wonenburguer: Yennifer Teixeira Silva Vandana Shiva: Sara Silva

Día Internacional das mulleres

Dende a biblioteca, para sumarnos á celebración do Día Internacional da muller realizamos a exposición "Mulleres con mérito e sen fama" que xa podedes visitar.

CADA PINGA CONTA

"Cada pinga conta" é unha actividade que lanzamos dende a Biblioteca do noso instituto para, por unha banda, lembrarnos a todos nós que coidar da auga, un ben cada vez máis escaso, é fundamental, e, por outra, animarvos a todos a ler microhistorias de autores como Benedetti, Eduardo Galeano, Augusto Monterroso ou Marco Denevi.

Como vedes nas fotos, chove na nosa biblioteca e cada pinga trae un conto, unha historia breve mais con moito contido, que dá que pensar. 

CONCURSO DE SAN VALENTÍN